SEDP Vaimim chi sem mek

Serchhip-a Agriculture Department chuan SEDP hnuaiah chhungkaw 830 te chu Vaimim chi an pe tawh.

Mizoram sawrkar in SEDP a kalpui mekah Serchhip-a Agriculture Department hian tun thla ni 4 leh 5 khan a thawhkhatna atan Ser-chhip District chhunga Vaimim leh Bekang ching tura thlan te hnenah Vaimim chi hi an sem a, tun tumah hian chhungkaw pakhat tan Vaimim chi hi kg. 20 zela sem niin hei hi ram hectare khat a zau-a chin tura ruahman a ni a, tunah hiana thawkhatna hi sem chhunzawm leh tura buaipui mek niin hun reilote ah semchhuah leh nghal tur a ni dawn nia thudawn a ni.

SEDP hnuaia Vaimim chi sem mek hi Serchhip Constituency chhunga khaw 4-ah sem tan tawh niin Tuikum Constituency-a khaw 18-ah sem a ni tawh bawk a, Hrangturzo Constituency huamchhunga khaw 16-ah pawh sem ni tawhin Serchhip District chhunga awm, Lunglei North Assembly Constituency huamchhunga la awm Zote South leh Kanghmun South khuaa chhungkaw 17 ve ve te pawh pek an ni tawh a, tunah hian khaw hrang hrangah hian sem chhunzawm leh thuai a ni ang.