Latest News

Sava thang mankhawm halral

Serchhip Sub-Hqrs. YMA in Sakhisih Sanctuary leh Entlang Social Forestry an enkawl meka Sava awhna tur Thangkam an man te chu nimin khan Serchhip District Honorary Wildlife Warden RL. Chhuanawma chuan a halral.


Heng Sava Thang halralna puala inkhawm tawi nimin tlai-a Serchhip Sub-Hqrs. YMA Office Tual-a neih ah Serchhip Honorary Wildlife Warden chuan hetianga YMA te hmalakna a Sava Thang tihchhiat a ni chu lawmawm a tih thu sawiin, Sava chi hrang hrang te hi a tlangpuiin Schedule 4-a awm an nih thu leh sawrkar pawhin a ngaih pawi-mawh thu sawiin, mi thenkhat ten Sava rep an lo zuar thin te pawh Dan bawhchhiatna leh man theihh a ni tih a sawi a, hetiang ti thin te hi kum 3 chhung lung In tan leh Rs. 25,000/- chawitir thlenga hrem theih a nih thu a sawi bawk.

Nimin tlai-a heng Sava thang halralna hun hi Serchhip Sub-Hqrs. YMA Environment & Protection Committee Chairman Lalrinthuama Kawlni chuan kaihruaiin YMA ten Sakhisih Sanctuary leh Entlang Social Forestry an enkawl mek te chu ramsa leh Sava bakah nungcha dang ten chenna atan an hmang tih sawiin, hetianga man leh tihhlum tum an lo awm thin chu pawi an tih thu a sawi a. Serchhip mipuite chu an hmalakna te hriatpuia ramsa leh nungcha dangte humhalhtu nih tum turin a chah bawk a ni.

Comments

Popular News (Last 30 Days)