Mizoram-ah lirthei 3,18,465 awm niin chhinchhiah

Transport Department chhinchhiah daninMizoram pumah lirthei 3,18,465 awm mekin kumin ah March thla thleng khan lirthei chhinchhiah thar 6120 a awm leh tawh.

Mizoram-a District 8 zingah Aizawl District chu lirthei tamna ber ni mekin lirthei chhinchhiah zat chu 2,22,332 a ni a, kumin ah March thla thleng khan lirthei 4135 an chhianchhiah leh tawh bawk a ni. Lunglei District chu lirthei tam lamah pahnihna niin lirthei 27,534 a awm a, kumin chhung hian an District-ah lirthei 480 an ziaklut tawh bawk a ni.

Kolasib District chu lirthei tam lamah pathumna niin lirthei 18,165 a awm a, kumin chhung hian lirthei 383 chhianchhiah tawh a ni a. Champhai District-ah lirthei 16,837 awmin kumin chhung hian 377 an chhiahchhiah thar bawk a ni. Serchhip District-ah lirthei chhinchhiah 11,022 awmin kumin March thleng khan lirthei 196 an ziaklut leh tawh bawk a. Siaha, Lawngtlai leh Mamit District-ah te lirthei awm zat sing tling lovin Siaha-ah kumin chhung hian lirthei chhinchhiah thar 154 awmin an District a lirthei awm zawng zawng chu 8470 a ni a. Lawngtlai District-ah lirthei 8122 awmin kumin chhung hian 243 an chhinchhiah tawh a. Mamit District-ah lirthei chhinchhiah hi a tlem fal deuh a, lirthei 5983 chhinchhiah tawh niin, kumin chhung bik hian lirthei 152 ziahluh a ni tawh bawk a ni.