Latest News

Chief Minister hovin MRMC thukhawm

Mizoram Resource Mobilization Committee chu nimin khan Chief Minister Zoramthanga hovin a Pisa-ah an an inkawm a, an hmalak tawhna leh hmalak zelna turte an sawiho.

MRMC hi January ni 21, 2022 khan din niin vawi ruk an thukthawm tawh bakah Consultation Meeting vawi 2 an nei tawh a, Consultation-ah hian Department 6 an kawm tawh a ni. March thla tawp lam khan First Report an thehlut tawh a; Mizoram sawrkar hnuaia Chhiah, a bikin VAT pek loh te chak zawka thin chhuah dan tur te, Department hrang hrangte Bank Accounts-a pawisa an kawl thin pung (interest) sawrkar sum bawm-a chhun a nih theih dan tur te leh sawrkar sumdawn (receipt) hrim hrim a pelhe loh nana receipt computerization chungchang te chu an First Report-ah hian an tel a ni.

Tunah hian Second Report chu buatsaih leh mek a ni a, hetah hian NLUP hnuaia Interest Free loan latute'n tun thlenga an rulh loh cheng nuai 674 chuang la awm thinchhuah dan tur te, huan pass te In hmun-a leh (convert) dawna ngai thin, hun engemawti chhung atana ngaih-hnathiamna pek chungchang te, GST lakna tur items, tun thlenga lak mumal la ni si lo, a bikin leilung hausakna lam atanga GST lak chungchangte bakah Hotel/Homestay atanga GST lak chungchang a tel tur thu an sawi a ni.

Comments

Popular News (Last 30 Days)