COVID-19 hri kai 103 hmuh belh leh an ni

/

Niminpiah khan Mizoram-ah COVID-19 hri kai mi 103 hmuh belh leh an ni a, Sample enfiah 1927 atanga chhutin za zela 5.35 te chuan hri an kai a ni.

Niminpiah a hri kai hmuhchhuah thar mi 103 te hi Rapid Antigen Test hmanga Sample enfiah 1914 atanga hri kai hmuhchhuah vek niin Saitual District-ah 39, Serchhip District-ah 24, Khawzawl District-ah 13, Aizawl leh Lunglei District-ah 8 ve ve, Mamit District-ah 5, Kolasib District-ah 3, Hnahthial District-ah pahnih leh Champhai District-ah hri kai mi pakhat te an ni.

Niminpiah khan ZMC-a RT-PCR Laboratory-ah Sample 4 enfiah niin Lunglei-a TrueNat Laboratory-ah Sample 3 enfiah a nih bakah Fluorescent Immunoassay Test hmangin Aizawl-ah Sample 5 enfiah a ni bawk a, heng atang hian hri kai hmuhchhuah erawh an awm lo thung.

Nimin khan Mizoram-ah hri kai enkawl dam mi 75 an awm belh ve leh bawk a, heti hian nimin tlai dar 5:00 thleng khan Mizoram a hri kai hmuhchhuah tawh chu 2,26,499 niin an zinga 2,25,282 te chu enkawl dam an ni tawh a, hri kai hmuhchhuah atanga chhutin za zela 99.46 te chu enkawl dam an ni tawh a, hri kai enkawllai mi 523 la awmin hri kai zingah mi 694 an boral tawh a ni. Tun dinhmun ah District tinah hri kai enkawllai an la awm a, hri kai enkawllai za aia tam awmna Serchhip leh Saitual District chiah an awm a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »