Serchhip District SEDP Committee thutkhawm nei
Serchhip District Socio-Economic Development Policy (SEDP) Committee chu nimin khan a vawikhatna atan an Chairman leh Serchhip District Bawrhsap Nazuk Kumar IAS hovin an thukhawm.
Serchhip DC Meeting Hall-a thutkhawm ah hian Serchhip District Bawrhsap chuan Planning & Programme Implementation Department-in District SEDP Committee chu khaw tinah Village Level SEDP Committee din tura a tih thu a sawi a. Village Level SEDP Committee tinah hian Planning & Programme Implementation Department-in Notification-a a chhuah angin, Chairman leh Member Secretary an awm anga, Member atan khua leh tui tha (prominent citizen) khaw tinah In 250 aia tlemah mi pathum, In 251 atanga In 500-ah mi panga leh In 501 aia tamnaah mi pasarih te ruat an ngaih thu a sawi a ni.
He Meeting-ah hian uluk leh ngunthluk taka ngaihtuah a nih hnuah Village Level SEDP Committee Member turte ruat an ni a, heng member ruat chhuahte hi Deputy Commissioner in sawrkar-ah a thlen leh dawn a ni.
Mizoram sawrkarin SEDP hmalakna Project leh Programme chi hrang hrang heng Department- AH & Vety, Horticulture, Agriculture, Rural Development leh Fisheries Department hnuaiah a kalpui mekte chu District Level Committee leh Village Level Committee-ten uluk taka an vil a ngai tih Bawrhsap chuan sawiin, District Socio-Economic Development Policy (SEDP) Committee member-te mawh-phurhna te a tarlang a, khaw tina SEDP beneficiaries-te uluk taka lo enzui a, an harsatna neih ang te lo sutkianpui a, a tul anga hma laksak an ngaihna apianga pui tur an nih thu a sawi bawk.
He thutkhawm ah hian District SEDP Committee-a Member Secretary leh DRDA Project Director Malsawmtluanga bakah sawr-kar mi pawimawh te an tel a ni.
Comments
Post a Comment