A thlawnin zirlaibu sem tan
Serchhip District-a zirlai naupangte hnenah a thlawna zirlaibu sem tur chu nimin atang khan pekchhuah tan a ni.
Serchhip District-a Elementary School hrang hrangah kumdanga lo kalpui tawh thin angin Samagra Shiksha chuan zirlaibu hrang hrang a thlawna sem leh turin ruahmanna a siam a, tunah hian zirna In te hawn tan a nih tawh avangin zirlaibu sem turte hi la thleng kim chiah lo mah se nimin atang khan semchhuah turin zirna In te hnenah hian pekchhuah tan a ni leh ta a ni.
Thudawn danin tun tuma zirlaibu sem tur rawn thleng tawh semchhuah tak te hi Class I zirlai naupang tan English, Mathematics leh Mizo niin Class II zirlai tan Mathematics, Class III zirlai ten English leh Mizo, Class VI zirlai tan Hindi leh Science, Class VII tan Hindi leh Class VIII zirlai ten Mathematics leh Hindi te an ni a, heng bak zirlaibu dang pawh hi a rawn thlen anga sem chhunzawm zel tur a ni ang.
Comments
Post a Comment