15% Cess pe leh vek dawn

National Highway-54 Aizawl to Tuipang laih zauh avanga Serchhip District huamchhunga compensation pekchhuah tawh te chu 15% cess peh leh vek an ni dawn.

Hemi chungchanga Ser-chhip District Bawrhsap leh Competent Authority for Land Acquisition Nazuk Kumar IAS in thuchhuah siama a tarlan danin NH-54 Aizawl to Tuipang laih zauh avanga Serchhip District huamchhunga compensation pekchhuah tawh te ah sawrkar thuchhuak angin compensation dawngtuten an pawisa dawn atangin 15% cess pek tel loh an ni a. Hemi chungchangah hian Gauhati High Court chuan 15% cess pek loh zawng zawng hi mipui a la turte hnenah pek kir leh vek tur a ni tih a tarlang a.

He Court thupek ang hian Mizoram sawrkar chuan 15% cess pek tel loh hi a dawngtu tur ten an hmuh vat theihna turin hma a la mek a. Serchhip District huamchhungah pawh compensation pek tawh zinga 15% cess pek tel lohte chu pek kir leh vek tur a ni a. Mipuiten a tul loa sum an sen thlawn lohna turin mahni sum seng heka Court-a kal emaw, Ukil-te lo ruai lo turin aa hriattir a ni.