Hri kai 31 hmuh belh leh

/

Nimin khan Serchhip District-ah COVID-19 hri kai mi 31 zet hmuhchhuah belh leh niin hri kai enkawllai mi 148 an awm mek.

Nimin a Serchhip District-a COVID-19 hri kai hmuhchhuah te hi Hmuntha khua ah mi 13, Khawlailung-ah 6, Thenzawl-ah 4, East Lungdar-ah 3, Lungpho-ah 2 leh Leng, Mualcheng leh North Vanlai-phai-ah mi pakhat theuh te an ni.

Nimin khan Serchhip District-ah hri kai enkawl dam mi 44 an awm belh ve leh bawk a, heti hian nimin tlai thlenga Serchhip District-a hri kai hmuhchhuah tawh chu 13,852 niin an zinga 13,670 te chu enkawl dam an ni tawh a, hri kai hmuhchhuah atanga chhutin za zela 98.68 te chu enkawl dam an ni tawh a, hri kai enkawllai mi 148 la awmin hri kai zingah mi 34 an boral tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »