Hri kai enkawllai 115 awm

/

Serchhip District-ah COVID-19 hri kai enkawllai mi 115 la awmin hri kai zingah mi 33 an boral tawh.

Serchhip District-ah COVID-19 in ziaawm lam pan tawh viau mah se hri kai hmuh belh erawh an la pung zel a, Inrinni khan hri kai mi 30 zet hmuh belh leh an ni a, an zinga 24 te chu Hmuntha khua a mi te niin Khawlailung leh North Vanlaiphai-ah hri kai mi pahnih ve ve hmuh an ni a, East Lungdar leh Keitum khua ah hri kai mi pakhat ve ve hmuh an ni bawk. Nimin khan Serchhip District-ah hri kai pakhat hmuh belh leh niin East Lungdar khua a hri kai hmuh a ni a, District chhung hmundang ah Sample enfiah a awm lo a ni.

Inrinni khan Serchhip District-ah hri kai enkawl dam mi 10 awm belhin nimin ah enkawl dam an awm belh lo thung a, heti hian nimin tlai thleng khan Serchhip District-a hri kai hmuh tawh zawng zawng chu 13,603 niin an zinga 13,455 te chu enkawl dam an ni tawh a, hri kai hmuh atanga chhutin za zela 98.91 te enkawl dam an ni tawh a ni. Serchhip District-ah hri kai enkawl-lai mi 115 la awmin hri kai zingah mi 33 an boral tawh a, Serchhip District hi Saitual District dawt-a hri kai enkawllai tamna ber a ni mek a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »