COVID-19 hri kai thar 91 leh dam 120 awm belh

Mizoram-ah niminpiah khan Sample 1126 enfiah leh niin heng atang hian COVID-19 hri kai mi 91 hmuh an ni a, Sample enfiah atanga chhutin za zela 8.08 ten hri an kai a ni.

Niminpiah a hri kai hmuhchhuah mi 91 zinga 88 te hi Rapid Antigen Test hmanga hri kai hmuhchhuah an ni a, Serchhip District-ah hri kai hmuhchhuah tam berin 28 hmuh an ni a, Aizawl District-ah 16, Lunglei District-ah 15, Mamit District-ah 12, Saitual District-ah 6, Hnahthial leh Champhai District-ah 4 ve ve leh Khawzawl District-ah mi 3 te an ni.

Niminpiah khan ZMC-a RT-PCR Laboratory-ah Sample 9 enfiah niin hri kai hmuhchhuah an awm lova, Lunglei-a RT-PCR Laboratory-ah Sample enfiah a awm lo thung. District hrang hranga TrueNat Laboratory zingah Lunglei District-ah Sample 3 enfiah awmin hri kai mi pakhat hmuhchhuah a ni bawk a, Fluorescent Immunoassay Test hmangin Aizawl leh Serchhip District-ah Sample 18 enfiah niin hri kai mi pakhat ve ve hmuh an ni bawk.

Nimin khan Mizoram-ah COVID-19 hri kai enkawl dam mi 120 an awm belh ve leh bawk a, heti hian nimin tlai thleng khan Mizoram a hri kai hmuhchhuah tawh chu 2,25,823 niin an zinga 2,24,529 te chu enkawl dam an ni tawh a, hri kai hmuhchhuah atanga za zela 99.43 te enkawl dam ni tawhin hri kai enkawllai mi 605 an la awm a, hri kai te zingah mi 689 boral tawhin District pakhat-a hri kai enkawlai mi 100 aia tam la awmna District pathum ala awm a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar