Vengchung YMA in In sak sak

Serchhip Vengchung Branch YMA te chuan an huamchhunga Hmeithai chhungkaw pakhat chenna In tur chu nimin atang khan hnatlang in an sak sak.


Kan thudawn danin he In neitute hi hmeithai chhungkua niin chhungkaw khawsak harsa ve tak an ni a, an In luah chu a chhiat tawh avangin Serchhip Vengchung Branch YMA te hian hnatlang in an sak sak dawn a, nimin khan an In hlui chu thiatin nimin vek khan a ban tur phunin In sak hna hi thawh tan nghal a ni a, In hi a dung ft. 24 leh a vang ft. 15-a zau in Assam Type-a sak a ni dawn a ni.

Vengchung Branch YMA hruaitute chuan he In sakna atan hian sum hlawm hmuh an neih loh thu leh an huamchhungah Vehbur te khawnin bialtu MLA Lalduhoma chuan In chung tur Rangva a tum sak dawn tih an sawi a, hei bakah hian a tul anga YMA sum an hman dawn thu leh Serchhip Vengchung VC atang pawhin tanpuina hmuh an beisei tih sawiin, nimin khan mi 130 vel In sa tur hian thawkchhuakin Vawiin lamah pawh In sak hna hi thawh chhunzawm a nih tur thu an sawi bawk.

Comments

Popular News (Last 30 Days)

LPG man bithliah thar