MP (RS) leh Goverrnor te Raj Bhavan-ah an inkawm

Mizoram Rajya Sabha MP K. Vanlalvena chuan Inrinni khan Governor Dr. Hari Babu Kambhampati chu Raj Bhavan-ah hmuin Mizoram tana thil pawimawh hrang hrang an sawi dun.

Governor leh Rajya Sabha MP te chuan Myanmar ram buaina in a nghawng harsatna chi hrang hrangte sawiin, Act East Policy hmanga Ministry of External Affairs Govt. of India in a thawh mek Mizoram chhim lam atanga Bay of Bengal Tuifinriat kam khua Sittwe thleng tur KMMTTP Road project hna thawh mek in harsatna a tawh sutkian dan tur te an sawi a. Myanmar kaltlanga Mizoram leh Thailand ram thlunzawm tur Zokhawthar to Maesot (Thailand) kawngpui siam mekin harsatna a tawh mekte sutkian a nih theih dan turte bakah Indo-Bangladesh Border Trade Centre, Tlabung- Kawrpuichhuah a din tur hna muang lutuk chungchang te an sawidun bawk a. A tul dan anga Ministry of External Affairs Govt. of India leh Ministry of Commerce and Industry-ah thlen turin hmachhawp ah an dah a. Myanmar border fencing siam tumna leh chumi kaihhnawih thil leh a nghawng theih te pawh an sawidun bawk a ni.

Mizoram Governor chuan Bairabi to Sairang rel kawng siam mek chu Lei dawh lai a chim avanga zawh hun tur a khawtlai phah pawi a tih thu te, KMMTTP Road hna tihkhawtlai a ni chu pawi a tih thu te sawiin, heng kawng pahnihte hi zawh a nih hunah chuan Mizoram mipuiten ei leh barah nasa takin hma an sawn phah a beisei thu a sawi bawk a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni