Serchhip-ah Grassroots Cricket School hawn a ni

Serchhip District-a Grasroot Cricket School tur chu nimin khan Serchhip-a Midland Middle School-ah hawn a ni.
Samagra Siksha leh Cricket Association of Mizoram (CAM) ten thawhhona thuthlung an ziah anga Serchhip District-a Grasroot Cricket School hawnna hun hi nimin chawhnu khan Samagra Shiksha Serchhip District Deputy DPC PC. Vanlalluna kaihhruaina hnuaiah neih a ni a, Samagra Shiksha Serchhip District-a Addl. DPC Vanlalmuka chuan Grasroot Cricket School hi hawngin Grassroot Cricket School chu Cricket game inzirtirna ngawr ngawr nilovin, zirlai naupang ten Taksa hriselna tha tak nen a bulthum (Grassroot) atanga infiammi rilru dik tak an lo neih theih nan leh an taksa rilru leh thlarau hriselna atana thil pawi-mawh a nih thu a sawi a, a hlawhtlinna tur chu naupangte ah a awm thu sawiin, mahni inthununna neih a pawimawh tur thu a sawi bawk.


He hunah hian Assistant Programme Officer leh Grassroot Cricket School-a District Coordinator C. Lalremruata chuan Grassroot Cricket School kalpui a nih dan te sawiin, he School-a Coach tur Lalawmpuia pawhin thu a sawi bakah Serchhip District Cricket Association aiawh leh Serchhip atanga State Level Under-16 Player Hmingthanpuia te pawhin thu an sawi bawk a ni.

Grassroot Cricket School hi Samagra Shiksha Mizoram leh Cricket Association of Mizoram te thawhhona hnuaiah Sawrkar School Primary leh Middle School-a naupangte tan ruahman niin kar khat-ah ni thum zel training an nei dawn a. Mizoram District pali-ah kalpui tura ruahman niin kum 2026 thlengin kalpui tur a ni a. School pakhat ah hian mipa 40 leh hmeichhia 10 zel awm tura ruahman a ni a, naupang ten an mamawh tur Jersey, Lukhum, Truck Suit leh Cricket thuam thil an mamawh te chu CAM in an tum dawn a. Naupang talent nei tha zualte tan pawh ruahmanna siamin School tual zawl-ah Portable Cage siamin school hrang hrangte an tel thei dawn a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni