Serchhip District Cricket League ah AO3C te an Champion

Serchhip District Cricket League 2023-2024 chu Inrinni khan khelh zawh niin AO3C chuan Tuikhuah Veng Cricket Club chu run 115-a hnehin an Champion ta.
Serchhip District Cricket Association buatsaih ‘Serchhip District Cricket League 2023-2024’ ah hian Team 6 inelin Team hrang hrangte hi an inhmachhawn kual hnuah Point hmu sang pahnih, AO3C leh Tuikhuah Veng CC te hian Inrinni khan Khawtlang-a DC Playground ah Final match hi an khel a, Toss-a chak TKCC in vawm hmasak thlangin AO3C hian Over 20-ah Wicket 4 hlohin run 210 an siam a, TKCC hian vaw ve lehin Over 20-ah Wicket 8 hloh in run 95 chauh an siam thei a, AO3C hi run 115 in an chak ta zawk a ni. Final Match-ah hian AO3C Player Paplu Gogoi chuan ball 80 atangin run 146 zet a siam a, Wicket 2 la bawkin Man of the Match atan thlan a ni.

Serchhip District Cricket League 2023-24 a Champion AO3C hian Trophy leh pawisafai Rs. 10,000/- an dawng a, pahnihna Tuikhuah Veng Cricket Club in Trophy leh Rs. 5000/- an dawng bawk a, Tournament a tel zawng zawng hian Match money an dawng vek bawk a ni.

Serchhip District Cricket League 2023-24 ah hian Team 6 telin Match 16 khelh a ni a, run 269 siamtu AO3C player Kangjam Suraj Singh chu Best Batsman ah thlan a ni a, Bowler tha berah Wicket 10 latu mi pathum atangin Samuel Lalremruata, Hmar Veng CC chu thlan a ni a, Emerging Player of the Tournament-ah B. Lallawmpuia Hmar Veng CC chu thlan a ni bawk.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni