District Wildlife Crime Control Sub-Unit thukhawm

Serchhip District Wildlife Crime Control Sub-Unit chu nimin khan an Chairman leh Serchhip SP MS. Dawngkima hovin a Pisa-ah an thukhawm.
He thutkhawm ah hian Member Secretary leh Thenzawl DFO Lalbiakchama Chawngthu chuan Serchhip District-a District Wildlife Crime Sub-Unit lo indin chhoh dan leh hma an lo lak tawhna te a tarlang a. Hemi hnu hian Serchhip District chhunga dan lova nungcha tihlum thin te leh sum-dawnna atana hmangte zawnchhuah a, dan anga hremna pek an nih theih nan Action Plan duanfel a ni a. Nungcha humhalh kawnga mipuite hriat turte zau zawk leh tam zawka inzirtirna, Awareness Campaign neih nise tiin an rel a. Serchhip District Wildlife Crime Control Sub-Unit chuan dan lova nungcha tihlum leh sumdawnna atana hmang thinte chungah dan anga hremna pek an nih tur thu sawiin, kan ram-a nungcha hlu tak tak kan la neih chhunte hlut leh zual a, dan lova nungchate tihlum lo turin mipuite an ngen thar leh bawk.

Serchhip District Wildlife Crime Control Sub-Unit member-te hian kumin Feb. 24 khan Serchhip Bazar-ah Sava rep thahnem tak an man a. Heng an Sava rep te hi SP Serchhip in nimin khan a halral nghal a. Serchhip khaw chhehvel Mualvawm ramah ramsa leh sava awhna tura thangkam thahnem tak hmuchhuakin an lo man khawm tawh bawk a ni.