Champhai-a Experiential Learning Centre (ELC) din tur chungchang sawihona nei

Sawrkar Laipui-a Ministry of Information & Broadcasting sum cheng nuai 100 senga Champhai-a ‘Experiential Learning Centre’ (ELC) din tur chungchang chu nimin khan nimin khan District Bawrhsap James Lalrinchhana hovin sawiho a ni.

Champhai ELC hi Mizoram-a ‘Experiential Learning Centre (ELC)’ hmasa ber tur niin nimin-a thutkhawm ah hian Champhai DC James Lalrinchhana chuan ELC chungchang a sawizau a. ‘Experiential Learning Centre (ELC)’ in a tum ber chu naupangte leh thalaite tana technology thil thar hrang hrang an inzir theihna tur hmun ruahmana, hmanraw hrang hrang chhawpchhuah sak a ni tih sawiin, he ELC-ah hian Augmented Reality, Virtual Reality leh Metaverse khawl hrang hrangte dah a ni dawn a. Sawrkar Laipui Ministry of Information & Broadcasting sum cheng nuai 100 senga ruahman tur niin sum senso zawng zawng hi Central funding a ni a, State Sawrkar in he project atan hian insen ve a ngai lova. A enkawl chhunzawmna leh khawl repair leh thawktute hlawh te chu amaha intum thei tura beisei a ni thung a. He ELC dinna tur hian tun dinhmunah sanction tihfel tawh niin cheng nuai 50 dawn tawh a ni.

ELC Management Committee Chairman leh Champhai DC James Lalrinchhana chuan tunlai khawvel changkang chho zelah Information Technology lama hmasawnna hrang hrangte thangthar ten an inzir ve zel a tul thu sawiin, ELC chu Champhai District-a zirna ti hmasawntu hmanraw pawimawh tak ala nih ngei a rin thu a sawi a. Zirlaite ah Science and Technology leh Information Technology lama tuina leh thiamna a thlen ngei a beisei thu a sawi bawk. ‘Experiential Learning Centre (ELC)’ Champhai District-a din anih theihna tur hian kum tam tak Sawrkar Laipui Ministry of Information & Broadcasting hotute a dawr thu pawh a tarlang bawk.

He thutkhawm ah hian SDC Moses Lalfakawma Tlau chuan ‘Experiential Learning Centre’ a dah tur khawl hrang hrangte chu Power Point Presentation hmangin a sawifiah a. Heng khawl- Fast Moto X Bike 17, Bike Racing super Bike, 9D VR 360, EGG VR, VR HTC Arena Without fence, Car Racing Out Runner Deluxe -32, Holo World, online UPS leh CVT te dah tur a ni a, Supplier atan Bell AtoZ Pvt. Ltd, New Delhi chu committee chuan a thlang a.

ELC hi CHANEM Building, 2nd Floor ah dah a ni dawn a, a hmuhma cheibawl hna hi UD&PA Engineer-te enkawlna hnuaiah chak taka kalpui mek a ni. Nimin-a thutkhawm neih zawh hnu hian a hnathawh kal mek leh hma lak zel dan tur enfiah in ELC Management Committee chu a hmunah an kal nghal bawk a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni