Mizo Infiamna hmanga YMA te inelna zawhfel a ni

Serchhip Sub-Hqrs. YMA huamchhunga YMA Branch hrang hrangte Mizo Infiamna chi hrang hrang hmanga an inelna Serchhip-a neih chu nimin khan zawhfel a ni ta.
Ni 2 awh ‘Aizawl DD Mizoram Indigenous Games 2024 (Inter-Branch YMA Competition, Serchhip District)’ hi nimin chawhnu lam khan Serchhip P&E Veng a Leisekawt Mual-ah zawhfel niin Organising Board Chairman C. Vanlalsiama chu khuallian a ni a, he inelna tluang taka neih a ni chu lawmawm a tih thu sawiin, a hlawhtlinna tura thawktute chungah lawmthu a sawi bawk a ni.


Nimin-a zawh tak Mizoram Indigenous Games 2024 (Inter-Branch YMA Competition-ah hian Hmeichhia te tana inela Inkawibah ah New Serchhip Bazar Branch chu pakhatna niin P&E Branch YMA chu pahnihna leh Van-chengte Branch YMA chu pathumna an ni a. Mipa tana In arpa thai-ah New Serchhip Bazar Branch chu pakhatna niin Serchhip Vengchung Branch chu pahnihna leh Vanchengte Branch chu pathumna an ni bawk.

Mimal inelna ah Insaihruipawh-ah Pate huang ah Lalduhsanga (North Vanlaiphai Rahsi Veng Branch) chu pakhatna niin Palaihawl-ah Raymond Lalthansanga (S. Chanmari Branch) leh Palian-ah C. Malsawmtluanga (S. Vengchung Branch) chu pakhatna an ni bawk. Mizo Inbuan ah Pate-ah Lalbiakhluna (S. Vengchung) chu pakhatna niin Palaihawl-ah Raymond Lalthan-sanga (S. Chanmari Branch) leh Palian-ah Hming-thanzama (Saron Branch) chu pakhatna a ni.


Insuknawr-ah Pate-ah Lalduhsanga (N. Vanlaiphai Rahsi Veng Branch) chu pakhatna niin Palaihawl-ah Raymond Lalthansanga (S. Chanmari Branch) chu pakhatna a ni a, Palian-ah Lalruathara (S. Kawnpui South Branch) chu pakhatna a ni bawk. Heng inelna hrang hranga pakhatna te hi District hrang hrangte inelna ah Serchhip District aiawhin an tel dawn a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni