Sual thupha chawi tawngtai neih dan tur ruahman

Tun thla ni 20-a Mizoram State Day puala ‘State Day of Prayer’ hman tur chu Serchhip-ah chuan Serchhip Auditorium-ah hun hman tur a ni ang.
Nimin khan Serchhip District Bawrhsap David Lalthantluanga hovin a Pisa-ah tun thla ni 20-a Mizoram State Day hman dan tur ngaihtuahin Serchhip khaw chhunga Kohhran hruaitute leh tlawmngai pawl hrang hrang hruaitute an thukhawm a. He hunah hian Prayer Committee din niin Chairman atan Rev. Laltanpuia Colney (BCM) leh Working Chairman atan Kawlthuama (Sub-Hqrs. YMA) ruat an ni a, Secretary atan Rev. Rolungmuana Zadeng (Counsellor, FG&CC) chu ruat a ni bawk.


Mizoram State Day puala sual thupha chawina hun, ‘State Day of Prayer’ hi tun thla ni 20, karleh Thawhlehni chhun dar 12:00 khian Serchhip Auditorium-ah neih tur niin hun thum-ah then a ni a. Hun khatnaah District Bawrhsap David Lalthantluanga chuan hawnna thu a sawi anga, tawngtai thupui atan hian ‘Sual ngaihdam dilna (Ninevi Challenge)’ tih a ni anga, thupui sawi hawngtu atan Pastor C. Lalchhuanga, UPC (NEI) a ni ang. Hun hnihna tawngtai thupui atan ‘Pathian hnena lawmthu sawina’ tih a ni anga, a sawi hawngtu atan Pastor Challiandinga Hnamte, Seventh Day Adventist a ni ang. Hun thumna tawngtai thupui atan ‘Inhlan tharna/Inpumpekna’ tih a ni anga, a sawi hawngtu atan Capt. Van-laltharzuala, Salvation Army a ni dawn a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni