School Education Minister in hun hmanpui

/

ZoCareer Solutions, Chanmari chuan Mizoram chhunga Pawl 12 Science Subject zirlaite tana inelna a buatsaih, Pre NEET/SMATEE 2024-a Top 10-a langte lawmpuina leh tunhnaia ZoCareer Coaching Institute hnuaia hna hmu tharte chawimawina hun chu Zirtawpni chawhnu khan Govt. Hrangbana College Conference Hall-ah buatsaihin School Education Minister Dr. Vanlalthlana chuan a hmanpui a. Entrance pawimawh tak taka inziaktling te chu lawmpuiin, an hmalam hun atan duhsakna a hlan a. An zirtir te a bula atanga tha taka tan tur te, tumruhna nei tur leh an hlawhtling nghal lo a nih pawhin teirei an peih phawt chuan hlawhtlinna an la sualchhuah tur thu a sawi a. Hnaruaka inziak tling te pawh lawmpuina leh duhsakna hlanin, tThinglung thianghlim, mi taima leh mahni hna a inpe kan ramin a mamawh tih a sawi bawk. Pre NEET/SMATEE 2024 a Top 10 te hian Pawisa fai leh lawmpuina thuziak an dawng a. Hnaruak hrang hranga hlawhtlinna chang Mi 18-te hnenah thilpek hlan an ni bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »