Truck 5 atangin Kuhva rah man

Nizan hmasa khan East Lungdar Police Beat Post-a Duty te chuan Truck panga (5) atangin dan lova Kuhva rah hring phurh an man a, Custom Department kutah hlan an ni.
Serchhip Police te hnen atanga LENKAWL in thu a dawn danin East Lungdar Police Beat Post-a duty te hian nizan hmasa khan an thudawn bawhzuiin dan lova Kuhvarah phurtu lirthei panga te hi manin Cham-phai District atanga rawn kal an ni a, an vai hian North Vanlaiphai Police Station-ah hlan nghal niin Rs. 9,72,000/- hu nia chhut a ni a, nimin khan Custom Department-a hlan turin Serchhip Police Station-ah dah a ni. Serchhip SP MS. Dawng-kima chuan dan in a phalloh kuhva leh thil dang Serchhip District chhunga lakluh te veng turin Ser-chhip District Police ten uluk takin an vil reng a, dan loa chete man turin Serchhip District Police ten hma an la zel dawn a ni, a ti bawk.


1. MZ04A-6321 (Ashok Leyland), Lalruathlua (24) , Bungzung khua ni a insawi, Champhai District khalh niin, kuhva rah neitu hi Thangpuii, Serchhip khua ni a insawi a ni a. Bag 80 niin a hlut zawng hi Rs. 3,00,000/- a ni.

2. MZ04A-5970(SML), Lalthazauva (32), Khuangleng, Champhai District ni a insawi khalh niin, kuhva rah neitu hi Mathangi, Lunglei khua ni a insawi a ni a. Kuhva rah hi bag 70 niin a hlut zawng hi Rs. 224,000/- a ni.

3. MZ04A-4816(SML), Lalhruaitluanga (35), Sesih khua, Champhai District ni a insawi niin kuhva rah neitu hi Mathangi, Lunglei khua ni a insawi a ni a. Kuhva rah hi bag 70 niin a hlut zawng hi Rs. 2,24,000/- man hu a ni.

4. MZ04A-4180 (SML), Lalpekhlua (28), Champhai Chhungte khua ni a insawi khalh niin, kuhva rah neitu hi Chhungi, Aizawl khua ni a insawi a ni a. Bag 35 niin a hlut zawng hi Rs. 112,000/- a ni.

5. MZ04A-4078(SML), Lalchhuanliana (28), Champhai Chhungte khua ni a insawi niin, kuhva rah neitu hi Chhungi, Aizawl khua ni a insawi a ni a. Bag 35 niin Rs. 112,000/- man hu a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni