Tun sawrkar-ah Kuhva tawlhruk bag 2868 man tawh

Tun sawrkar kal mekah dan lova kuhva tawlh ruk bag 2868 man a ni tawh.

He thu hi nimin-a Assembly Session-ah Home Minister K. Sapdanga chuan Aizawl South-II bialtu MLA Lalchhuanthanga zawhna chhangin a sawi a. Home Minister chuan dan lova kuhva phur an mante hren mek an ni tih sawiin, thubuai nei lai an nih avangin an chunga hremna lekkawh a nih dan tur chu danin ro a la rel dawn niin a sawi a, Dan bawhchhia an mante hi Police kutah an awm mek tih a sawi bawk.

Home Minister sawi danin dan lo anga tawlh kuhva an mante hi dahkhawm a ni a. Serlui bialtu MLA Lalrinsanga Ralte zawh belhna chhangin Home Minister chuan, Kudam-ah dan lo anga kuhva dah awm report an dawn loh thu House a hrilh a, chutiang dan lo anga dahkhawm kuhva an hria a nih chuan report pe turin MLA chu a ngen a. Mizoram-a thar ni lo kuhva State chhunga phurh kual chu danin a khap lai a nih avangin an theih chin chu an man zel tih a sawi bawk a ni.