Ruang phurh dan turah inkaihhruaina duan mek a ni

Social Welfare Minister Lalrinpuii'n ruang phurh inkaihhruaina dan duan mek a nih thu sawiin, kum 2024-2025 Budget Estimate ah cheng vbc. 5 dah a nih thu House a hrilh.

Mizoram Legislative Assembly Budget Session neih meka Tuivawl bialtu MLA Lalchhandama Ralte zawhna leh zawh belhna a chhanaah Social Welfare Minister Lalrinpuii chuan, sawrkar in ruang phurh inkaihhruaina dan a duan mek thu sawiin, ngaihtuahna tam tak sen ngai a nh avangin Cabinet ngaihtuah tura chhawpchhuah tum a nih thu a sawi a. Ruang phurna atan Department-in Budget Proposal-ah cheng vbc. 1 bakah kum 2024-2025 Budget esitmate ah cheng vbc. 5 dah a nih thu a sawi bawk. Minister chuan ruang phurhna atana lirthei hmanna rate pawh Kilometer mila siam tum a nih thu sawiin, District damdawi In-a thi chauh ni lo, tupawh an thihna hmun atanga an awmna thlenga phurh chu an ruahman chhin dan a nih thu a sawi a, hetihlai hian Phai lam-a thi erawh an huam tel rih lo tih a sawi bawk.