Dan zawm lo mi 35 man tawh

Serchhip-a ‘Road Safety Month’ hman mek denchhena ‘No Tolerance Week’ hman chhungin lirthei 589 zet enfiah ni tawhin dan zawmlo mi 35 man an ni tawh bawk.
Rampum-a Road Safety Month hman mek denchhen hian Serchhip-ah chuan kar kalta Thawhtanni atang khan ngaih-hnathiamna tel lova dan zawmlo te hremna pekna hun, ‘No Tolerance Week’ hi hman a ni a, kar kalta Thawhtanni atanga Inrinni thleng khan Serchhip Traffic Police te chuan lirthei 589 enfiah tawhin heng atang hian Dam zawm lo mi 35 an man tawh a, heng zinga 28 chu lirthei ke 2 nei niin a dang 7 te hi LMV an ni a, an pawisa chawi tlingkhawm hi Rs. 1,09,000/- a tling a ni. No Tolerance Week hman chhung hian Traffic Police leh MVI Enforcement Staff te chu hlawm hnih ah inthenin khawpui chhung hmun hrang hrangah lirthei enfiah a ni.