Pu Zoramthanga uapna kan la mamawh - Tawnluia

MNF Sr. Vice President Tawnluia chuan, “Tun dinhmunah chuan Pu Zoramthanga uapna kan la mamawh,” a ti.

Nimin-a MNF in Mizo Hnam Run inkhawm an neih ah MNF Sr. Vice President Tawnluia chuan an Party Hqrs. hruaitu thlanna neih turah Party Constitution ang chiahin an kal tih sawiin, “MNF party chuan hruaitu term a tawp apiangin Official nomination kan siam thin a. A duh tan floor atanga chuh theih a ni. (Chuhtu an awm avangin hmanah kan inthlang tawh). Floor atanga chuhtu an awm loh chuan Official Candidate-te tlingah puan tthin an ni. Tun tumah pawh hian a duh apiangin floor attangin chuh theih a ni. Chuhtu an awm loh chuan RO-in candidate chhawp chhuahsate chu tlingah a puang mai dawn a ni,” a ti a. Tuna an Official Candidate-te chu Nomination Committee-ten an aiawha an thlanchhuah a ni tih sawiin, “Tun dinhmunah chuan Pu Zoramthanga uapna kan la mamawh,” a ti. Tawnluia chuan Official Candidate-a a hming lang lo chungchangah, “Ka duh dan takin min telh tawh lo hi ka lawm a ni,” a ti bawk.