Gas hnianghnar nei turin sawrkar in hma a la

Supply Minister B. Lalchhanzova chuan eirawngbawlna Gas hnianghnar zawk nei turin sawrkar in hma a la tih a sawi.

Supply Minister hian Inrinni khan Mualkhang Gas Bottling Plant tlawhin, an hmalak dan a enfiah a. Mualkhang Gas Bottling Plant tih changtlunna tura Sawrkar-in a tih tur tul ang ang te chak takin a ti zel dawn tih sawiin. IOCL lamin Regular Land Lease a mamawh chu a rang thei ang berin pekchhuah tum a ni tih a sawi a, tuialhthei chhekkhawlna hmun siam turah Rel luh theihna, Rail fed Oil Deposit hmun tur pawh tihfel tep a nih thu a sawi a ni. Supply Minister hi IOC hotuten an hmalak dan lo hrilhin, Mualkhang Gas Bottling Plant chu ni tin Gas bur 8,500 siam chhuak thei tura ruahmanna a nih thu leh, hemi atan hian cheng vbc. 225 ruahman a nih thu te, kum 2 chhunga siam zawh hman tum a nih thu leh sawrkar liamtaah ram lei belh a nih thu te an sawi a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni