Lengpui-a NIT Campus din tura harsatna sawilang

Higher & Technical Education Minister Dr. Vanlalthlana'n Lengpui-a National Institute of Technology (NIT) Mizoram, Campus sak chung-changah Environment, Forest & Climate Change Department-ah cheng vbc. 22 chuang sum pek a ngaih avangin harsatna lian tak an tawk mek tih House a hrilh.

Nimin-a Assembly Budget Session-ah Mamit bialtu MLA H. Lalzirliana zawhna leh zawhbelhna dangte a chhanna ah H&TE Minister Dr. Vanlalthlana chuan, tunhnaia NIT Mizoram Campus Lengpui a tlawh thu a sawi a, hetah hian cheng vbc. tam tak sen a ni tawh chungin hna erawh a tlem hle thung tih a sawi a, Campus sak turah hian Environment, Forest & Climate Change Department-in cheng vbc. 22 chuang an dil tih sawiin, hei hi ngaidam mai turin Forest Department chu ngen ni mah se, sawrkar hmasa a Department dang Minister in pek a lo tiam tawh avangin ngaihdam an ni ta lo a ni, a ti a. He sum pek dan tur ngaihtuah hian an rilru a ti hah hle tih sawiin, sawrkar laipui lam hian NIT hi lakchhuah mai pawh an duh rum rum tawh hial thu a sawi a, sum an pek tur Penal Interest pek ngai tihhniam sak turin sawrkar laipui-a thu thlen tur buaipui mek a nih thu a sawi bawk.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni