Sangha tharchhuah tlem chhan House-ah sawilang

Mizoram-a Sangha chi supply kawngah duhsak bik an awm thin avang leh Sangha note tam tawk loh avangin Sangha tharchhuah a tlem phah tih Fisheries Minister Lalthansanga chuan a sawi.

Nimin-a Mizoram Legislative Assembly thutkhawma zawhna leh chhanna hunah Fisheries Minister chuan tunhma in Sangha chi supply kawngah hleih neihna tam tak a awm thin tih sawiin, heng hian Sangha pun theihna tur nasa takin a pawthniam tih a sawi a, Sangha chi supply chu ngun takin an ennawn dawn tih sawiin, Sangha tharchhuah a tam tawklohna chhan chu Sangha note tam tawkloh vang tih a sawi bawk. Minister chuan tha takin Department in hma a la dawn tih pawh sawiin, kum 2023-24 inkarah District Level Committee din that a nih dawn thu leh a ti tak tak peih te hnenah chauh Sangha chi pek a ni tawh dawn tih a sawi a, hei hian Mizoram-ah Sangha tharchhuah a tihpun phah ngei an beisei tih a sawi a. Thenzawl-ah Hatchery bun tum mek a ni tih sawiin, Sangha tharchhuah a tam theih nan theihtawp chhuah a nih thu a sawi bawk a ni.

Fisheries Minister Lalthansanga chuan sawrkar hmasa in kum 2019 atanga kum 2023 inkara Sangha Dil tanpuina mi 3902 hnenah a pechhuak tih pawh a sawi bawk.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni