ZIDCO in Hand Holding hman tangkai an tum

ZIDCO Chairman JK. Dawngzuala chuan ZPM Policy, Hand Holding chu ZIDCO chuan tangkai taka kalpui an tum thu a sawi.

Nimin a ZPM Chhung Inkhawm neih ah ZIDCO Chairman JK. Dawngzuala chuan tunah hian ZIDCO chuan Year of Reconstruction puangin sawrkar sum (mipui sum) a leiba an rulh sakna chu dolet thei ngei turin an inbuatsaih tih a sawi a. ZIDCO chu February 27, 1978 khan Mizoram State Industrial Development Corporation (MSIDC) tia din a ni tih sawiin, kum 1985 khan Zoram Industrial Development Corporation Ltd. tih niin kum 2020 khan Zoram Infrastructure & Industrial Development Corporation Ltd. tih a nih tak thu sawiin, a hnathawh ber chu Industrial Financing a ni, a ti a. Kum 1997-2003 chhung khan loan rulh that loh heng vbc. 15 awmin, tunah hian cheng vbc. 8.10 rulh tur awm mekin Interest & penalties cheng vbc. 12.23 awmin heng zawng zawng belhkhawm chu cheng vbc. 20.33 a nih thu leh NMDFC hian tum khata an rulh vek theih chuan cheng vbc. 12.23 an ngaihdam theih thu leh Mizoram sawrkar-in hei a ngaihtuah mek thu a sawi bawk.

ZIDCO-ah hian hna (Post) 81 awmin thawktu mi 29 an awm mek tih ZIDCO Chairman chuan sawiin, Mizote hna thawh kawngah kan harh thar a ngai tih a sawi a, “Dik tak leh rinawm taka thawk tura rilru leh thinlung siam thar kan mamawh. Hotu lu ber atanga a hniam ber thlengin mawhphurhna hlen tur kan nei theuh a, kan ram siamtha tur hian kan hmazawn theuhah taimakna leh rinawmna vawng nung chungin hma thar kan lak mawlh mawlh a ngai a, ZIDCO kaltlangin Hand Holding Policy kan neih mek hi hlawhtling taka kalpui kan tum a ni,” a ti bawk.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni