PM hun hman rualin Sairang-ah hun hmang dawn

Ramchhunga Rel chawlhhmun thar leh thuam thar 554 leh Rel kawng chunga kawngchhawng siam leh a hnuai lama siam 1,500 zet chu Vawiin hian Prime Minister Narendra Modi chuan hawngin lungphum a phum dawn a, Sairang Rel chawlhhmun-ah pawh hemi rual hian hmun hman ve a ni ang.

Northeast Frontier Railway thuneitute sawi danin tunah hian hmarchhak bial-ah hian rel kawng siam leh a kaihhnawih hna hrang hrang cheng vbc. 81,941 man hu thawh mek a ni a. Rel Chawlhhmun hman mek 60 chu khawvel ram danga Rel Chawlhhmun te ang bawka changkanga siam turin cheng vbc. 10,369 zet ruahman a ni bawk.

Hetihlai hian Northeast Frontier Railway Consultant R. Hrangtawna chuan Bairabi leh Sairang inkar Rel kawng siam mekah Hortoki Rel Chawlhhmun chu thla thar March thla khian hawn hman tum a nih thu a sawi a. Bairabi atangin Rel kawng phah hna hi thaw mek a ni a, Hortoki Rel Chawlhhmun siam hna chu an zo thawkhat tawh niin a sawi. Sairang thlenga Rel lut a, Sairang Rel chawlhhmun hawn hun tur atan kumin October emaw November thla emaw tinzawn a nih thu a sawi bawk.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni