Vawiin-ah Assembly Budget Session tan a ni dawn

Zonuna Kawlni /

Mizoram Legislative Assembly Budget Session chu Vawiin hian neih tan a ni dawn ta.

Mizoram-a ZPM kaihhruai sawrkar thar a din hnua Budget Session hmasa ber hi Vawiin cawhma dar 10:30 hian tanin House-ah Governor in thu a sawi dawn a, naktuk-ah chawlin Feb. 21-ah Member hlui boral te sunna hun hmangin Larsap thusawi-a lawmthu sawina Motion sawiho a ni dawn bawk a ni. February 27, 2024 (Thawhlehni)-ah Chief Minister, Finance changtu ni bawk, Lalduhoma chuan kum 2024-2025 Budget leh kum 2023-24 a sawrkar sum indaihloh dil belhna (Supplementary Demand) a pharh ang a. Budget hi Feb. 28 leh 29-ah sawiho a ni ang a. March 5, 2024 (Thawhlehni) atangin Minister hrang hrangte kumthar sum hman turte sawihova pass tum a ni ang.

March 13 thlenga neih tur tun tum Session atan hian Zirtawpni thleng khan zawhna House-a chhan chi (starred question) 417, ziaka chhan chi zawhna (unstarred question) 30, Resolution 50 leh paper lay tur 5 a lut tawh a ni. Bill chi hrang hrang lut pali a awm tawh bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »