ILP-ah thuchhuah siam thar

Serchhip Police te chuan Serchhip District chhungah Inner Line pass (BERF Act, 1973) tha taka kenkawh a nih theihna turin mipuite hnenah thuchhuah an siam.
He thuchhuah an siamah hian ILP Sponsor-tu te'n vawi khatah mi 10 (sawm) aia tam an sponsor thei lo tih tarlangin, II.P sponsor-tu te'n hnamdang (Non-Tribal) an chhawrlai te chu Mizorama an awm chhungin an nungchang/chettlat danah mawh an phurh thu an tarlang a. An hnathawhna-ah mamawhna an neih tawh loh chuan an thawnhaw na tur thlengin an buaipui tur a nih thu leh hetiang hunah hian Deputy Commissioner hnenah an II.P te an pekir (surrender) tur a ni tih an tarlang.

Inner Line Permit neitu (Pass Holder) chu a sponsor-tu hnen ni lo, midang hnuaiah hna dang a thawk thiang lo tih pawh tarlangin, Sponsorship hi inhlawnchhawn theih a nih loh thu leh ILP renew a tul a nih pawhin sponsor-tu ngei Office-ah kalin a renew thin tur a nih thu an tarlang a. Deputy Commissioner-in thuneihna a pek sawrkar hnathawkte leh Police Officer-te chuan II.P hi engtiklai pawhin an check theih thu leh ILP hmang diklotute chu dan hnuaiah hrem theih an ni tih tarlangin, Sponsor-tu emaw, Pass Holder emaw in BEFR Act, 1873 hnuaia sawrkarin dan a siam te a bawhchhiat emaw he dan hnuaia thu dik lo a hriattir chuan hrem theih a ni tih a tarlang bawk.