Tuilian tuar te insasengna tur hmun DC in a tlawh

Fur ruahtui tlak laia Khawthlangtuipui lian avanga insasengna tur hmun remchang nei lote inthiarluh lailawkna tur atan ruahman, Safe House sak chu Inrinni khan Lunglei DC Ramdinliani chuan a tlawh.

DoNER Ministry-in One Time Special Assistancea ruahman hnuaia cheng nuai 114 senga sak Tlabung-a Safe House hi Fur tuilen laia insasengna tur hmun remchang nei lote inthiarluh lailawkna tur atan ruahman niin, Tui in a chim phak lohna tur hmun Tlabung Zawlpui Veng-a Thangliana mual sir hmun remchang laiah chhawng khata sak a ni a. He building hi Tlabung-a GAD-in a enkawl zui huna mamawh tur thil tûl dangte a rang lama ngaihtuah dan kawng dap turin Lunglei DC Ramdinliani hian a satute a ngen nghal a ni.

Hei bakah hian NABARD-RIDF sum hmanga Tlabung-a Supply Chhêk In sakna tur hmun pawh Lunglei DC Ramdinliani hian a tlawh nghal a, tuna Supply Godown awm sa bak, a dang sak belh a nih chuan tum khatah buhfai tam lehzual chhêkkhâwl theih a nih tawh dawn avangin Tlabung bakah a chhehvel khaw hrang hrangten an chhawr tangkai dawn hle tih a sawi.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni