MYC Chairman leh OSD to CM in Union Minority Affairs Minister John Barla an kawm

Zonuna Kawlni /

Mizoram Youth Commission (MYC) Chairman Malsawmzuala Ralte leh OSD to CM Jonathan Lalremruata te chuan nimin khan Union Minister of State for Minority Affairs John Barla chu Delhi-a a chenna In ah an kawm.

Union Minister of State for Minority Affairs hnenah hian MYC Chairman Malsawmzuala chuan Mizo thalaite tana MYC hmalakna hrang hrang hrilhin, Minister chu a theih anga a portfolio atanga tanpuina dap pui turin a ngen a. Minister pawhin hriatthiampuiin, a Secretary, Mithunyadav nena hmalak theihna sawiho tura a rawn angin, an sawiho nghal bawk a ni.

PMJVK Scheme kaltlanga hmalak theihna hrang hrang awmte kawhhmuhin, Chief Minister Lalduhoma leh District Council & Minority Affairs Minister C. Lalsawivunga te biak nghal an ni a, 2nd instalment dawn tur leh Project submit tawh nawr chhuak tura an rawn angin hmalak nghal a ni bawk a. PMJVK Scheme Guidelines hian Mizoram pumpui a huam thei tawh dawn a. Heng Health, Sports, Education, Agriculture, Market etc. ah te hmalakna hrang hrang, thalaite tana hmasawnna tur kawng tam tak a awm thei dawn a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »