Helicopter chuanman thar

Mizoram sawrkar GAD Aviation Wing chuan Mizoram-a Helicopter service chuanman a bithliah thar a, Aizawl atanga chhutin Siaha chu District khawpui zinga chuanman sanna ber niin mi pakhat tan Rs. 5,000 a ni a, Lawngtlai chu Rs. 4,500 niin, Champhai Rs. 4,000, Khawzawl leh Serchhip Rs. 3,500, Lunglei leh Hnahthial Rs. 4,000, Kolasib leh Mamit Rs. 3,000 leh Saitual Rs. 2,000 te an ni. Helicopter hire man chu darkar khatah Rs. 1,00,000 niin minute 30 chhung a thlawnin an nghak thei dawn a. Minute 30 a pelh chuan nghah man hi darkar khat zelah 50% in a pung dawn a ni. Hei bakah hian Aizawl khawpui fan ‘birds eye view’ trip Inrinni-a minute 15 chhung neih thin chu puitling pakhat tan Rs. 2000 leh naupang kum 10 hnuailam tan mi pakhat zelah Rs. 1000 a ni bawk.