Midang ken ve ka tum tawh - K. Vanlalauva

MNF Treasurer K. Vanlalauva chuan tunah chuan midang ken ve a tum thawh thu a sawi.

Nimin-a Mizo Hnam Run Chhung Inkhawm ah MNF Treasurer K. Vanlalauva hian MNF chu Revolutionary Party an nih thu sawiin, “Party chhung Wing hrangah pawh national tih kan telh vek a ni. India in ama thua min rinlut dodal ngam party kan ni a. Political party pariat in an party nuaiboin min zawm tawh. Hnam movement kalpui anih laiin, ram leh hnam tan anih avangin kan phunnawi ngailo a. Amaherawhchu, Kohhran hoten, ‘in thiltih hi thalo kan tilo, in dosaka te hian kan tlin tawhlo e,’ an tih avangin inremna lam kan hawi ta a ni,” a ti a. “Hnam movement kalpui anih lai ata, remna hnuaiah pawh Finance Department ah kum 20 dawnlai ka lo awm ve tawh a. Tunah chuan midang ken ve ka tum tawh,” a ti. MNF Treasurer chuan, “Sawrkar thar hi a pawnga puia bei lovin, mipuiin lo en zel sela, mipui Court-ah thiam an chan leh chanloh a lo lang mai dawn a ni. Party mipuite beidawng mailo ila, kan diklohna theuhah mahni insiam thain, lungrual takin ke i pen zel ang u,” tiin Party mipui kalkhawmte a fuih bawk.