Thlai thar hralh dan tur rel

Agriculture Minister PC. Vanlalruata hovin nimin khan a Pisa-ah Sawrkarin a din Agricultural Market Assurance Fund Managing Board (AMAFMB) chuan thlaithar hralh dan tur chung-changah an thukhawm a. Agriculture Minister PC. Vanlalruata chuan Mizoram-a kuthnathawktute tan theihtawp chhuah an tum dawn tih sawiin, ram economy hi market awmsa hmanga chawikan kan tum dawn a, kuthnathawktute a rate chiangsa a thlai chintir kan tum dawn a ni, a ti bawk. He hunah hian Adviser to Chief Minister (Hand-holding Policy) Dr. KC. Lalmalsawmzauva pawhin thu sawiin, an hmalakna tur kawng hrang hrang an sawi a ni. Agricultural Market Assurance Fund Managing Board (AMAFMB) hian thlaithar hralh dan tur a buaipui dawn a ni.