Ban-a kaih Policy chungchang CM in sawifiah

Chief Minister Lalduhoma chuan Ban-a Kaih Policy chu thalai ten sem ni lovin Thawhrimna chu hlawhtlinna a ni tih an hriat theih nan hman tum a nih thu a sawi.

Nimin-a thuthar thehdarhtute a kawmna ah Chief Minister Lalduhoma chuan Ban-a kaih Policy chu Central Policy awmsa nen a tam thei ang ber kaihkawp tum a ni dawn tih sawiin, hei hi thalai ten chonaah ngaiin Project tha neih tum se a duh thu a sawi a. Ban-a Kaih Policy chu kut hnathawktute tih hmasawnna tura ruahmanna a nih thu sawiin, hmalakna hrang hrang, loneitute thlai thar thlanbik leina atan te, Food Processing atan te, thlai thar zawrh leh hralhna kawngah te, Entrepreneurship leh Skill Development te, thalaite tana hnathawh tur siamchhuah leh kawhhmuh lamah te, ram chhunga Industry tenau din dan kawng kawhhmuh leh tanpuina atan te leh hmasawnna dang atan te hman a ni dawn tih a sawi a. Hemi atan hian Budget-ah cheng vbc. 200 dahin hei bakah hian kuthnathawktute hmasawnna'n ‘Agricultural Market Assurance Fund’ hnuaiah sawrkar kum kal mek Budget Revised Estimate-ah cheng vbc. 110 dah a nih thu a sawi bawk.