Minister te hmalakna ah mipuite an lawm niin sawi

ZPM President Lalliansawta chuan ram hruaitu tura thlanchhuah Chief Minister leh Minister rualte hmalakna an hmuh chinah mipui an lawm niin a sawi.

Nimin-a ZPM party Chhung Inkhawm ah ZPM President chuan tuna ram hruaitu tura kan thlanchhuah Chief Minister leh Minister rualte hmalak chinah mipui an lawm tih sawiin, “Mipuite beisei tihlawhtling tur pawhin an rintlak dawn hle tih hi ram mipui tam ber hmuh dan a ni,” a ti a, India sawrkar in Lalduhoma chu an ringtawk tih a chiang tawh nia sawiin, “Kan Minister rualte hmalak tum dan pawh an thlawp tih a lang. Kan Party thupui - Ram rorelnaa Pathian ram tundin tih pawh hi Chief Minister kaihhruaina hnuaiah hian a hlawhtlin ngei ka ring tlat a, ram mipui beisei pawh a hlawhtlinna kan hmu chho tan mek zel a ni. Dik tak leh fel taka ro kan rel chuan kan lamah Pathian a tang zel dawn a ni,” a ti.

Party-ah inthlanna felfai tak an neih thu pawh ZPM President chuan sawiin, “Inthlang ram kan nih angin nihna hrang hrangte kan han inchuh ve nak nak a, duh thuhmun leh tum thuhmun kan nih miau avangin Party chhungah harsatna a awm zui lova, mi 5000 dawn pungkhawmah engmah buaina leh harsatna tawk lova kan felfai thlup mai kha a nuam tak zet a, hei hi Kalphung thar chu a ni,” a ti a. “Sawrkar hi party-in a siam a ni a, party-in kalphung leh tum a nei a, chu kan duhna tipuitling tur chuan sawrkar a lo piang ta a ni. Party leh sawrkar hi a kal hrang thei lova, party mipuite duhdan tihhlawhtlin hi a pawimawh rualin ram mipuite thatna tur tihpuitlin hi a pawimawh ber zawk chu a ni,” a ti bawk.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni