Department 38-ah aikal chhawr 3365 awm mek

Mizoram-a sawrkar Department 38-ah aikal chhawr 3365 an awm mek a, aikal chhawr awm lohna Department pathum (3) a awm thung.

RTI hmanga zawhna DP&AR Administrative Reforms Wing-in a chhannaa tarlan a nih danin, DP&AR-in nikum December ni 29-a sawrkar hnathawk aikal chhawrte report tura hriattirna a tihchhuah angin Mizorama sawrkar hnathawk zinga 3,365-in aikal an chhawr mek a, heng mite hi sawrkar Department hrang hrang 38-a thawkte an ni a, Group A, B, C leh D-te bakah Co-Turminus, Provisional Employees, Contract Employees, Work-charged leh Part-Time-a thawkte an ni.

Sawrkar hnathawk aikal chhawr zingah hian Group D hnathawk aikal chhawr 837 awmin aikal chhawr tam ber an ni a, Group B indawtin aikal chhawr 797 an awm a, CSS hnuaia hnathawk 718, Group C 496, Provisional Employees 374, Group A 71, Work-charged 48, Contract 23 leh Part-Time a thawk aikal chhawr pakhat a awm bawk. 

Department malah School Education Department chu aikal chhawr tamna ber niin, mi 1,115-in aikal an chhawr a, Health & Family Welfare Department-in dawtin, aikal chhawr 624 an awm a, pathumna, Power & Electricity Department-ah aikal chhawr 253 an awm bawk. Hetihrual hian Sawrkar Department zingah aikal chhawr awm lohna Department pathum a awm thung a, chungte chu Excise and Narcotics Department; Information and Communication Technology leh Vigilance Department te an ni.

RTI chhanna atanga a lan danin aikal chhawr te dinhmun tur hi thutlukna siam ala ni lo a, Mizoram sawrkar-a Council of Minister thukhawmin an chungchang hi ngaihtuahin thutlukna an siam dawn a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni