Khamrang leh Buichali inkar kawng siam dan tur en

PWD Minister Vanlalhlana leh Assembly Deputy Speaker Lalfamkima te chuan Inrinni zing khan Khamrang leh Buichali inkar kawng dinhmun enfiahin kawng chhe lai siamthat dan tur te an ruahman.

Khamrang leh Buichali inkar kawng hi km 14.80 a thui niin Contractor Ratna Infrastructure Projects Pvt. Ltd. te thawh a ni a, May 7, 2021 khan thawk zo tawhin Maintenance Period hi May 7, 2026 a thleng tur a ni a. PWD report a inziah danin he kawng hi November 16, 2021 khan NHIDCL hnenah Mizoram PWD chuan a hlan tawh a, nimahsela NHIDCL hian ‘PWD leh Ratna Infrastructure Projects Pvt Ltd. te contract a la tawp lo’ tiin hemi kawng hi kut an thlak duh ta lova. He kawng hi Contractor hian Maintenance chu ti chho ve zel mah se Auguts 25, 2023 atang khan an tawpsan ta a ni.

Contractor in an tawpsan hnuah kawng a chhiat bawk si avangin PWD chuan helai kawng chhe zual hi boulder te hnawhin a thenlai chu concrete pavement siamin a thawk a. Boulder pawh cubic metre 2387.05 hman niin, Concrete pavement pawh metre 213 a thui siam a ni a. He hnathawhna pawh hi fund hmuh la ni lovin SASCI atang a hmuh tura ruahman a ni a, sum hi awm tawh mahse release a la nih loh avangin Department chuan a la ba a ni.

Tunah hian Contractor ten hna an tawpsan avangin an contract chu February ni 23, 2024 khan Terminate/Foreclosed a ni a, Contractor pawisa (Performance Bank Quarantee) cheng nuai 73 chu kar kalta khan encashed tawh niin, he sum hmang hian hna thawh tum mek a ni a. A kawng chhe zual lai te assessment siam niin Boulder cubic metre 2700 vel hnawh ngai tura chhut a ni a. Kawng khuar lai chu JCB hmanga laih a chumi hnuah chuan boulder hmang hnawh tum a ni. Heng hna bak hi chu tun dinhmunah chuan pawisa hian a daih hrih dawn lo nia thudawn a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni