Mizoram-ah Police hna ruak 4268 a awm mek

Home Minister K. Sapdanga chuan tun dinhmunah Mizoram-ah Police hna ruak hnawhkhah loh 4,268 a awm tih a sawi.

Nimin-a Assembly Session neihah Siaha bialtu MLA Dr. K. Beichhua zawhna chhangin Home Minister K. Sapdanga chuan Police-a hnaruak hnawhkhah loh a awm thu hi a sawi a, hnaruakte hi hnawhkhat tura inbuatsaih mek a ni tih sawiin, sawrkar sum dinhmunin a tlin loh avangin vawi leh khata hnawhkhah nghal vek theih erawh a ni dawn lo tih a sawi a. Mizoram sawrkar sum dinhmun thlir chungin, a intahtawl deuhin hna lak hi kalpui a ni ang, a ti.

Zawh belhna chhangin Home Minister chuan sawrkar hnate chu dan awmsa hmanga lak an ni dawn tih sawiin, Department-in dan leh hrai inkaihruaina fel tak a neih sa chu an hmang dawn niin a sawi a. Mizoram hmun hrang hrangah Police Station leh Jail te pawh thuamthat a tih changtlun tuma hmalak mek a ni tih a sawi bawk.

Home Minister hian Police zingah danin a phal bak Motor leh hnathawk kawlte chu February thla chhunga inchingfel turin an ngen tih a sawi a, an ngen angin report an dawn hnuhnungah chuan dan phal bak Motor kawl an awm tawh lo niin a sawi bawk.

Tuichang bialtu MLA W. Chhuanawma’n kum 2018 March thlaa Order chhuakah Khawhai khua ah Police Out-Post dah tura tih a nia sawiin, Home Minister chuan, “He thu hi sawrkar leh Department record ah hmuh ala ni hauh lo mai a, chuvangin chutiang chu a lo awm a nih chuan kan lo zawngchhuak anga, hmalak tum dan te pawh a awm ang chu,” tiin tun dinhmun ah chuan Khawhai-ah Out-Post hawn tum a nih thu hi record an neih loh thu a sawi bawk.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni