DVO thar in Serchhip-a Press mi te a kawm

Serchhip-a District AH&Vety Officer thar Dr. H. Vanlalrawna chuan National Livestock Mission hnuaia hamthatna awm te chu Serchhip a thalai, Entrepreneur lama tui mi ten chhawr tangkai thei se a duh thu a sawi.
Serchhip DVO thar hian Inrinni khan Serchhip-a MJA Member te leng-ah sawmin inkawmna hun an hmang a, Serchhip DVO thar chuan an hmalakna hrang hrangte sawiin, ranvulh lama tui mi te tan National Livestock Mission-ah thalaite tan hmalakna tur tam tak a awm thu sawiin, heng te hi Serchhip District-a thalai, Entrepreneur lama tui mi ten chhawr tangkai thei se a duh thu a sawi a. An Department hnuaiah Vawk, Ar leh Kel vulh ah te hmalak theih a nih thu sawiin, heng te hi kan chhawr tangkaia hlawk zawka ranvulh lama ke kan pen a pawimawh thu a sawi a ni.


Serchhip DVO thar Dr. H. Vanlalrawna chuan Serchhip-ah hun engemaw chen a lo awm tawh thu sawiin, Office lama thu lovin ranvulhna hmun lamah a hun tam zawk a hman thu a sawi a. Serchhip DVO hna, Office lama District hotu ber dinhmun a chelh takah chuan kawng tam takah hmasawn ngaihna lai te pawh ala awm thei tih a sawi a. Hei vang hian thuthar thehdarhtute chu tha taka hna an thawh theihna turin thawhho pui ah a sawm a. Mipuite hnena an hmalakna hrang hrang puanzarna kawngah theihtawp chhuahpui tur leh tunhnaia Vawk hri leng, African Swine Fever (ASF) rawn hluar thar leh ah pawh mipuite hnena a theih anga puanzarpui tur leh hma lak pui turin a sawm bawk a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni