Damdawi kaihhnawih thubuai a tang an tam

/

Integrated Child Protection Scheme (ICPS) hnuaia din, District Jail Inspection Team te chuan nimin khan Serchhip District Jail tlawhin an dinhmun hrang hrangte an enfiah.
 Nimin a District Jail tlawhtu Inspection Team te hi Principal Magistrate Josangzeli Tlau chuan ho in Serchhip District Jail Superintendent Lalbiakthanga leh a thawhpui ten an lo dawngsawng a, District Jail aan tlawh lai hian tang mi 52 awmin an zinga mi 11 te chu Hmeichhia niin midang 41 te chu Mipa an ni a, Jail tang zinga a tam ber te hi damdawi kaihhnawih thubuai-a tang niin hmeichhia tang 11 zinga mi pakhat tihloh chu damdawi kaihhnawih thubuai vek an ni a, hmeichhe tang zingah hian nu nau pawm pahnih an awm bawk a ni.

District Jail Inspection Team ten Serchhip District Jail aan tlawh lai hian kum tling lo thubuai nei-a tang an awm lova, Jail tang te hriselna dinhmun tlangpui te, an ei leh in leh eirawngbawl dan leh an invawn dan te pawh ngun taka enin, inenkawlna a tha nia an hriat thu an sawi a, Jail tang te pawhin an thubuai neih meka an hriat duh te lo zawtin inhrilhfiah a ni a, intihhlimna tur Volleyball Net an mamawh thu an lo thlen tawh Principal Magistrate Josangzeli Tlau chuan a remchan aanga ngaihtuah tur a nih thu a sawi bawk. He hunah hian District Jail Superintendent Lalbiakthanga chuan Jail-a naupang leh naute te ei tur ngaihtuah a buaithlak avangin Aganwadi-a ei tur Nutrition an pek thin ang te dawn ve theih dan awm se an duh thu a lo sawi bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »