LESDE Minister in Youth Centre sak thar a hawng

/

Mizoram New Capital Complex (MINECO) Aizawl-a ‘Youth Centre’ sak thar chu nimin khan Labour, Employment, Skill Development & Entrepreneurship Minister Lalchhandama Ralte chuan a hawng.

Mizoram Youth Commission hnuaia ‘Youth Centre’ sak thar hawnna hunah hian LESDE Minister Lalchhandama Ralte chuan hun reilote chhunga 'Thalaite Inpui' (Youth Centre) sak zawh a ni chu lawmawm a tih thu sawiin, thalaite tan thiamna tak tak an chharna hmun a nih ngei a beisei thu a sawi a. Mizoram Youth Commission (MYC) chu kum 2008-a din chauh nimahsela thalaite tana an hmalakna chu fakawm a tih thu sawiin, “India ram State dangte zingah Youth Commission mumal taka din leh kalpui an tam loh laiin Mizoram chuan tha takin a kalpui thei zel a ni,” a ti.

He hunah hian Mizoram Youth Commission (MYC) Chairman Dr. Vanlaltanpuia pawhin Youth Center hawn tak chuan Mizoram sawrkar in thalaite a ngaihtuah zia a tilang chiang hle a ni, a ti a. Youth Center hi Aizawl bakah hian Lunglei leh Serchhip-ah te hawng leh tura ruahman mek a nih thu a sawi a. MYC kaltlangin Coaching Centre hi Mizoram District panga - Aizawl, Lunglei, Champhai, Kolasib leh Siaha-ah te hawn tawh anih thu leh UPSC (Union Public Service Commission) leh SSC (Staff Selection Commission) Exam hmachhawn tum ten tangkai taka an hman mek thu a tarlang bawk.

Nimin-a hawn tak Youth Centre hi chhawng 5 niin Gym Room, Badminton Hall, Store Room, Chowkidar Room, Coaching Classroom leh mikhual room te awmin cheng vbc. 5 senga sak a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »