Latest News

Kuhva leh Poppy Seeds phurtu lirthei 6 hal a ni

Inrinni zing khan Mamit District chhung Zamuang khaw bulah Kuhva leh Poppy Seeds phur lirthei 6 chu hal a ni a, hemi chungchang ah hian Kanhmun Police Station-ah thubuai ziahluh a ni.

Thudawn danin heng lirthei Kuhva leh Poppy Seeds phur lirthei paruk te hi Aizawl atanga chhuk niin Inrinni zing dar 4:00 leh dar 5:00 inkar vel khan Zamuang atanga KM 1 vela hla, Putar lui an tih bulah hal a ni a, mihring thi leh hliam erawh an awm hriat a ni lo. He thil thleng chungchang ah hian Kanhmun Police Station-ah thubuai ziahluh niin Police chhinchhiah danin lirthei te hi Rammuansanga Thinghlun ta Bolero Pik-up (25 bags Poppy seeds); Bolero Camper Lalrinliana Thinghlun ta (15 bags Poppy seeds); Bolero Pik-up Jairasa, Luimawi ta (kuhva ro 20 cartoons boxes); Tata Ace Rozamliana Bilkhawthlir ta (kuhva ro 25 bags bag khat khat 80kgs); Tata Yodha Batzovi Vairengte ta (kuhva ro 27 bags) leh Isuzu SML Dawngsianmang, Champhai Bethel Veng ta (70 bags) te an ni a. Thinghlun-a lirthei pahnih leh Luimawi lirthei te hian an thil phurh chu Poppy seed leh kuhvaro a ni tih an hriat loh thu an sawi a, Lirthei a an thil phurhte hi dahthlak a nih hnuah hal a ni a, bungrua hlan thlak zawh hnuah lirthei pakhat erawh a tlan chhuak hman thung.

Comments

Popular News (Last 30 Days)