Group YMA ennawn rel

Tunhnaia Serchhip Sub-Hqrs. YMA Executive Committee (SEC) thukhawm chuan Ser-chhip Sub-Hqrs. YMA hnuaiah Group YMA thar din belh dan tur kawng zawn nise an ti a, hemi atan hian a tul anga hma lo la turin Serchhip Sub-Hqrs. YMA Vice President Lalrammawia kaihhruaina hnuaiah mi 5 awmna an insiam nghal a ni. Serchhip Sub-Hqrs. YMA hnuaiah hian tun dinhmunah Branch 70 chuang awm tawhin Group YMA pathum (3) a awm mek a ni.

Serchhip Sub-Hqrs. YMA hian kum 2022 Krismas leh 2023 Kumthar vuakvet ah Branch tin ten Duty Post siam lehin mahni area ah thahnem ngai taka Duty leh nise an ti bawk a, boruak tichhe thei halpuah leh halmawi chi reng reng mahni area-ah theuh hal lo tura hmalak nise tiin halpuah leh halmawi hal lohna Veng te chu Sub-Hqrs. YMA hruaitute nen in hriattir tur a ni dawn a, Branch hrang hranga Duty te pawh tlawhchhuah leh tur a ni ang. Serchhip Sub-Hqrs. YMA huamchhunga Jail, Home leh damdawi In hrang hrang-ah te Krismas lo thleng tur pual hian thilpek hlan rel a ni bawk.

Comments

Popular posts from this blog