Deputy Speaker in hawng

Tuikum bialtu MLA leh Assembly Deputy Speaker Er. Lalrinawma chuan nimin khan a bial chhunga Khawbel-ah MLA Fund hmanga Volleyball Court siam thar chu hawngin L&L Volleyball Tournament buatsaih pawh a hawng nghal bawk.
Khawbel khuaa Volleyball Court leh Volleyball Tournament hawnna ah hian bialtu MLA chuan tunlaiah infiamna hrang hrang te chu eizawnna tling a ni deuh vek tawh tih sawiin, hetiang lama tui leh theihna nei te tan kawng zau tak a inhawn tawh thu a sawi a. Infiamna lama theihna nei te zawnchhuahna hun buatsaih thiam a pawimawh thu sawiin, hemi atana Tournament te buatsaih a ni chu lawmawm a tih thu a sawi bawk.

Deputy Speaker chuan infiamna hian rilru leh taksa hriselna a kentel avangin kan taksa kan uluka kan duat a pawimawh thu a sawi a, tunlaiah kan ramah ruihtheih thil a hluar thu pawh sawiin, heng lakah hian thalaite kan fim-khur a tul thu a sawi bawk.

Khawbel khuaa Volleyball Court siam nan hian bialtu MLA hian MLA Fund atangin Rs. 81,000/- pein a bak hi khawtlang in an tum ve thung a, a vaiin Rs. 1,23,000/- senga siam niin hnatlang tha engemaw zat sen a ni bawk.

Comments

Popular posts from this blog

Eiruk thubuai-ah Serchhip-a Excise Office leh Treasury Office-a thawk thin thiamloh chantir an ni