Agriculture Loan chung-chang sawihona nei

Agriculture Department buatsaihin nimin khan Agriculture Department Officers te leh State Level Bankers Committee ten inkawmna an nei.

SAD Conference Hall Aizawl-a he inkawmna ah hian Sawrkar laipuiin a Loneitute te tana hamthatna - Agriculture Loan (Credit Facilities) a ruahman Mizoram Loneitu tam zawkin tangkai zawka an hman theih dan tur chungchang sawiho niin J. Hmingthanmawia, Secretary, Agriculture chuan a kaihruai a, loneitute hmakhua ngaia Central Sawrkar in a Agriculture Loan hrang hrang a ruahman thu leh Loneitu tam zawkin heng Loan te hi an hman tangkai a pawimawh thu a sawi a. Loneitu tam zawkin a Agriculture Loan an lak theihna kawngah Agriculture Department in theihtawp a chhuah tur thu a tarlang bawk.

He Meeting-ah hian Lalnilawmi, Chief Manager & Coordinator, State Level Banker Committee in Mizoram puma Loneitute te hnena Agriculture Loan pek a nih dan tarlangin, kumin 2022-23 chhunga Mizoram State tan Credit Scheme-ah Target pek an nih thu leh Target ti hlawhtling tur chuan Agriculture Department ten theihtawp an chhuah a ngaih thu a tarlang bawk.

He hunah hian District hrang hrang aiawh Lead District Managers, AMFU te leh District Agriculture Officers, District hrang hrang atanga kal ten anmahni District chhunga Agriculture Loan pekchhuah a nih dan te leh hemi chungchanga harsatna an tawh hrang hrang te tarlangin, Loneitu tam zawkin Agriculture Loan an chhawr theihna tur a hmalak dan tur hrang hrang te sawikhawm a ni a. Chawhnu lamah Agriculture Department in Centrally Sponsored Schemes leh Central Sector Schemes a kalpui mek te leh heng Schemes hnuaia District hrang hranga hmalakna te sawikhawm a ni bawk.