Latest News

MZP buatsaih Zofest 2022 Minister ten hmanpui

MZP buatsaih ‘Zofest 2022’ chu Sialsuk-ah hman mek niin nimin khan Law Minister TJ. Lalnuntluanga chuan a hmanpui.

Tun thla ni 6 atanga Dec. 9, 2022 thleng awh tur ‘Zofest 2022’ ah hian Zofate hmun hrang hrang atanga palai lo kalkhawmin Zofate inpumkhat zel nan thu leh hla leh Hnam Lam te entirin hun an hmang a. Nimin-a Zofest hmanpuitu Law Minister TJ. Lalnuntluanga chuan MZP in Zofa hmun hrang hranga awmte in unau nana an hnathawh chu ropui a tih thu a sawi a, kan unau te harsatna tawk mek te tanpui nana Zofate’n kan theih tawk a kan lo tuamhlawm chu a ropui a takzet a ni, a ti a. He Zofest hian khawchhak leh thlang a Zofa awmte in unauna nasa zawk a thlen phah ngei a rin thu a sawi bawk.

Home Minister Lalchamliana pawhin nimin khan Zofest hi hmanpuiin engtik ni-ah emaw Zofate chu insuihkhawm ni kan la neih ngei a beisei thu a sawi bawk.

Comments

Popular News (Last 30 Days)